原來, 可以在茶餐廳吃下午茶.
獨個去電影院看一場四點半,
都是一種幸福.

呢兩晚, 突然心血來潮, 把過往幾年的schedule翻出來看.
估唔到, 由98年開始寫到而家, 足足有成8本咁多.
中學時代個三本, 每頁都是色彩斑斕的. 那年頭, 上課的時間都用來寫schedule, 也會把雜誌的圖片剪貼上去. 但最最最有紀念價值的, 還是好友們寫下的話句.
大學時代個三本呢, 少左好友們的留筆, 月份面頁也變得比較冷清. 結果, 熱情只能維持到年中, 往往下半年的頁面都是空白的.
最恐怖係上年個本, 好似新買回來的, 只寫了數頁.

看著看著的同時, 想起了很多早已被遺忘的事.
也為昔日的想法而笑了起來, 如果可以重來, 今日的我, 一定可以處理得更好.
但最感訝異的是, 怎麼那時候我的文筆會比現在好?

Schedule上出現過很多名字.
有些人, 早已從我的生活中離開.
但她們都為我留下了美麗的一頁.

留下的, 有些是知己, 更多的是普通朋友.
所以, 想係呢度回應番一班好姊妹往日在schedule的留言:
小鬼鬼: 係某一年既情人節, 你話"上年有我至愛既男女朋友親手整既金莎花, 今年唔知有無野收呢?". 連金莎個廣告都轉左, 係咪要update做另一樣野呢?
小嵐: 你曾經寫過"一齊去咖啡室既日子我永遠都唔會忘記, 係你教識我原來朋友係會成鬼日無端端出去搵佢陪佢, 係你身上我感受到個種友情既溫暖". 睇落去, 好似好肉麻, 但係好窩心. 不過, 從幾時開始, 我地迷上左去咖啡室架呢?
Cherry: "記得我地玩過, 癲過, 吵過, 鬧過, 點都估唔到會鬧交又點都估唔到會好番", 係呢, 其實我都覺得好難得. 沒想到, 我們真的做了更加好的朋友.
二家姐: 冇諗過, 你竟然曾經提及"年初二, 齊齊去睇煙花好冇". 呢個活動, 應該已經終止左好幾年, 連行年宵都冇, 唔知今年新年有冇機會重演呢?
敏儀: 除左地址欄外, 好少係schedule上面見到你既蹤跡. 其實, 你會唔會覺得我地班人太烏煙瘴氣既呢?
仲有一段被貼合既蚊蚊私語, 詩樺挑選的每月之歌...

不過, 大家都不若而同寫下"這麼近那麼遠"這句話.
是的, 我總是小心翼翼的收藏好自己的情緒.
但是, 我希望你們都知道:
"I'm happy for being your friend and I love you guys"

ps: 我有一個小小的請求, 你們可以在我2007年的schedule寫點東西嗎?

朋友都只知道我愛吃, 也喜歡挑新餐廳去試.
最近數個星期, 吃了不少東西, 特地記下這個美食日誌.
不過, 呢個係下集. 而上集呢, 要留待下回分解.


Tripe-O's

自從知道尖沙咀City Super內開了分店之後, 一直想找機會試一下.
那天跟姊妹買生日禮物時, 逐提議到City Super吃晚餐.
三個人點的都是Original Burger Combo, 加cheese.
個burger超大個, 材料同醬汁都好多, 所以食起黎既時候好狼狽.
而跟set個杯粗薯條真係好好食, 好似薯角咁脆.
雖然比M記貴上兩倍多, 但也值記得一吃.

************************************

El Cid Spanish Restaurant

上次跟台灣朋友約好要去這家西班牙餐廳.
今次她再來香港, 當然沒有失約.
三個人order了數款Tapas, 包括蕃茄蒜蓉包, 烤羊膝, 欖油蒜片蝦, 香草橄欖扒白菌. 主菜只點了一人份的西班牙海鮮飯, 海鮮有龍蝦, 帶子, 魷魚等, 都算好豐富.
食物的味道不俗, 只是主菜選擇不多, 份量較少.

************************************

MOS Burger 摩斯漢堡

在台灣一試傾心後, 竟然等到它來香港開分店.
好幾次因為等候的人龍而打退堂鼓.
最終在某天午飯排了半個小時而嚐到, 還好是同事們有耐性, 堅持排下去.

我點的是招牌Mos burger, 最讚的是那片厚厚的番茄, 很新鮮.
由於醬汁比較多, 所以burger都是用袋子盛著, 很細心的設計.
薯條比別人評價的好, 不過, 一定要趁熱吃.

希望待新分店開幕後, 等候的情況會有所改善.
不過, 唔知會唔會有早餐供應呢?

************************************

昨天晚上從公司離開的路上, 竟然看到下面的情境.




心諗, 唔係呀嘛, 無啦啦落咁大雨.
再望真d, 原來只有一條行車線水浸.
而係天橋同行人路上, 個個途人都拎住部手機係度影.
當下我諗, 乜香港人咁鍾意影相架? 定係D人影黎Send俾傳媒?
我, 純粹影黎貼下Post.